వలస కార్మికుల బాసటగా
బతుకు జీవనం కోసం చేసారు వలసలు
కష్టించిన సంపాదనతో సాగించారు జీవితాలు
సొంత ఊరి నుంచి వచ్చారు దూరంగా
బ్రతకడం కోసం భరించారు ఉన్నా ఆ బాధ ఎంతో భారంగా
మహమ్మారి కరోనా మార్చేసింది వారి జీవనం
ప్రశ్నార్థకంగా మారింది వారి భవిష్యత్తు గమనం
అన్ని ఉన్న వారు భారం అనుకుంటున్నారు ఇంట్లో ఉంటున్న బ్రతుకు
కాని ఈ వలస వచ్చిన వారికి గగనం అయింది దొరకడం మెతుకు
తట్టుకోలేకపోయారు విధి వారిపై చూపిన తడాఖా
సొంత ఊరికి ఇక పట్టారు కాలి నడక
లెక్క చేయలేదు చేయాల్సిన సుదూర ప్రయణాలు
బ్రతుకు జీవుడా అనుకుంటూ పట్టారు వారి ఇంటికి దారులు
వారి బాట అంతా కష్టంతో కూడిన కన్నీటి పర్యంతం
ప్రతి మానవత హృదయం చలించింది చూసి ఆ ఉదంతం
వారి కష్టం అయింది మన ప్రతి ఒకరి అభివృద్ధిలో భాగం
సహాయపడి ప్రతి ఒకరు కల్పించాలి వారికి జీవన యోగం
వారికి సహాయ పడాలి ప్రతి మానవాళి
మేమున్నాం అంటూ వారికి బాసటగా కదలాలి
వారికి అండగా ఉంటే సమాజం
అది అవుతుంది వారికి మళ్ళీ జీవితంపై ఆశ కలిగించే బీజం
ఇది ఒకరికోకరు తోడు ఉండాల్సిన సమయం
త్వరగా బయటపడుతాం అర్దం చేసుకోగలితే ప్రతి హృదయం
జి.సునిల్
