ఓ అభిమాని ….ఇది నీకు తగునా
నీ వెలకట్టలేని అభిమానం
నువ్వు ఆరాధించే వారికి నిజంగా ఒక బహుమానం
మీ ఇరువురిలో ఆ ప్రేమ చేస్తుంది ఉత్సాహం
పరిధిలో ఉంచుకో కలిగితే జీవితాంతం ఉంటుంది ఆ ప్రేమ ప్రవాహం
కాని నీ అభిమానం దాటుతుంది హద్దు
నీ జీవితాన్ని అర్దాంతరంగా చేస్తున్నది రద్దు
నిన్ను ఆరాధించే ప్రతి
ఒకరిని బాధిస్తున్నావు
వారిని జీవితాంతం వేదిస్తున్నావు
నీ రాక కొరకు వారు సాగిస్తున్నారు
వారి ఆయువు
అందరాని లోకానికి వెళ్తున్నావు భువి మీద వదిలి నీ తనువు
నీ పై పెట్టుకున్నారు వారు ప్రాణం
నువ్వు వేస్తున్నావు వారిపై జీవితాంతం బాధ పెట్టే బాణం
నీ గురించి రెండు రోజులు చర్చించుకుంటది ఈ సమాజం
తరువాత నీ వాళ్ళు తప్ప ఎవరు గుర్తుచేసుకోరు, ఇది నిజం
ఇకనైన మేలుకో
నీ జీవితం విలువైనది , అది తెలుసుకో
ఇకనైనా తగ్గించు నీ ఆవేశం
నీ అభిమానం ఉండాలి సాధించేలా
నీ జీవిత దిశానిర్దేశం
నువ్వు అభిమానించే వారు కూడా నిన్ను చూసి గర్వపడేలా ప్రయత్నించు
అభిమానానికి నిజమైన అర్థం సమాజానికి చూపించు
జి.సునిల్
No comments:
Post a Comment